Kapt Sakkie op Cocos Eilande
July 22, 2013 in 02 - Correspondence
Oud SAL Kapt Sakkie van der Merwe skryf as volg:
Sakkie & Frances vd Merwe
Joppie, my ou groot Mater, jy is n kampioen!!
Bietjie nuus hier van my en Frances af.
Reg voor ons kamervenster is daar twee groot betonblokke, so 5 meter x 5 meter – nou n nasionale gedenkwaardigheid! Dit is al wat oorgebly het van die radiomaste wat die seine gedra het van “Cocos Radio”. Dit was die radiostasie waarmee ons SAL vlieeniers gekommunikeer het in die dae toe ons die DC7 en die “Super Connie” op die Wallaby-roete gevlieg het.
Met die 707′s het ons somtyds van Cocos as n herlei-sender gebruik gemaak. JNB- Mauritius….. Mauritius-Cocos……. Cocos-Perth. Ek dink die bemanning het op Cocos oorgebly. (Ek dink ouens soos Terry Ruiter het dalk in sy jong dae n slag op die roete gevlieg).
Yip, ek en Frances woon op Cocos (Keeling) Eiland!
Twaalf grade suid van die ewenaar, amper halfpad tussen Perth en Sri Lanka! Minimum temperatuur 23 grade.. maksimum…. 33!
Dit is n belasting-vrye tropiese paradys!
GEEN misdaad, busse, taxis, treine, heinings of honde…. net wuiwende palmbome, melkwit strande, louwarm seewater,
VOLOP vis, onbesoedelde lug en drinkwater, 17 digitale TV kanale (via sateliet van WA af)…… so naby aan die paradys as n mens maar kan kom!
Ons woon in Clunies-Ross Avenue. Die is net omtrent 100 meter lank en dit skei ons van die Lughawe-gebou. Ons is reg voor die Kliniek.
ZS-DVJ SAL-Trek Airways Lockheed L-1649 Starliner (bigger sister of the Constellation) on Cocos Islands 1965.
Ons PRESIESE ruitverwysing op Google Earth is:
12 grade 11′ 20.9 Suid.
96 grade 49’46.8 Oos.
Ons is sowat 3,000 km van Perth!
Ons tel.no?….. +6189-162-7711.
Sel-foon?……. Nope!
Boeregroete,
Sakkie en Frances van der Merwe.
—————————————————-
